ശാന്തി

അമ്മ മകനോട്‌:
എന്താണു ശാന്തിയെന്നാല്‍?
ക്ലാസിലെ ഒരു കുട്ടിയുടെ,
പേരാണമ്മേ ശാന്തിയെന്നു-
ചൊല്ലുന്ന മകനെ നോക്കി
പകച്ചിരുന്നുപ്പോയിയമ്മ.

വീടിന്റെ കോണിലൊരു-
ചാരു കസേരയിലിരിക്കും,
വ്യദ്ധനാം മുത്തച്ചന്‍:

മകനേ;അക്ഷുബ്‌ധതയെന്നും,
മന:സ്വസ്ഥതയെന്നുമാണര്‍ത്ഥം
ശാന്തിയുടേതെന്നറിയുക,നീ.

മകനേ;ശാന്തി മന്ത്രത്തിലും
അശാന്തിയാണിപ്പോഴെന്നറിയുക,നീ.

മകനേ;ബലിയാടുകളായ്‌,
അനേകം നിരപരാധികള്‍
മരിച്ചു വീഴുന്നുവിന്നീ-
ഭൂമിയിലെന്നറിയുക,നീ.

മകനേ;തീവ്രവാദം
പടവാളക്കിയവരും,
ലോകം കാക്കുമെന്നു
ചൊല്ലും അങ്കിള്‍ സാമും,
അറിഞ്ഞും,അറിയാതെയും,
കൊന്നൊടുക്കുന്നു അനേകം
നിരപരാധികളെയെന്നറുയുക,നീ.

മുത്തച്ചാ;
ആരാണീ അങ്കിള്‍ സാം.

മകനേ;അമേരിക്കയെയാണു,
നമ്മളങ്കിള്‍ സാമെന്നു-
വിളിക്കുന്നതെന്നറിയുക,നീ.

ആരോടെന്നില്ലാതെ,
ചൊല്ലുന്നുവാമുത്തച്ചന്‍:
എന്താണു ശാന്തിയെന്നു
മറന്നുപോവുന്നു എന്‍
ഓര്‍മ്മയില്‍നിന്നും
എങ്ങും ആശാന്തി മാത്രം.
ആശാന്തി മാത്രം.
ആശാന്തി മാത്രമെന്നു,
പുലമ്പി പുലമ്പി ആ-
ശ്വാസവും നിലച്ചു.
ആ ശ്വാസവും നിലച്ചു.