എന്റെ കല്യാണകുറി നിങ്ങള്‍ക്കായ്‌

വെള്ളിനക്ഷത്രമെന്ന ഈ ബ്ലോഗിന്റെ ഉടമയായ മുഹമ്മദ്‌ സഗീര്‍ എന്ന ഞാന്‍ നിറങ്ങളുടെ കാഴ്ച്ചകള്‍ എന്ന ബ്ലോഗിന്റെ ഉടമയായ ജെസീന ഹംസയും തമ്മില്‍ വിവാഹിതരാവുകയാണ്‌.

വരുന്ന 2008 ഫെബ്രുവരി ഒമ്പതാം തിയതി ശനിയാഴ്ച്ച.ഞങ്ങള്‍ തമ്മില്‍ പരിചയപ്പെടുന്നത്‌ ഓര്‍ക്കൂട്ടില്‍ വെച്ചാണ്‌,പിന്നെ ഈ പരിചയം വളര്‍ന്നു............ഒടുവില്‍ പിരിയാന്‍ കഴിയില്ലെന്നു മനസിലായതോടെ ഒന്നിച്ചു ജീവിക്കാന്‍ തീരുമാനിക്കുകയും അതിന്റെ പ്രഥമ ഘട്ടമായി ഞാന്‍ എന്റെ വീട്ടുകാരെ അറിക്കുകയുണ്ടായി.

അതിനെ തുടര്‍ന്നുണ്ടായ വീട്ടുക്കാരുടെ അന്വേഷനങ്ങള്‍ക്ക്‌ ഒടുവിലും,എന്റെ നിര്‍ബന്ധത്തിലും വീട്ടുകാര്‍ സമ്മതിക്കുകയുണ്ടായി.

അതേ തുടര്‍ന്ന്‌ ഇക്കഴിഞ്ഞ 2007 ഡിസംബര്‍ ഇരുപത്തിരണ്ടാം തിയതി ഞങ്ങള്‍ തമ്മിലുള്ള വിഹാഹനിശ്ചയം കഴിയുകയുണ്ടായി.

മലയാള ബ്ലോഗെഴുത്തുകാര്‍ തമ്മിലുള്ള രണ്ടാമത്തെ വിവാഹമാണ്‌ ഇതെന്നു തോന്നുന്നു.

ഓര്‍ക്കൂട്ടിലെ മലയാള കൂട്ടുകാര്‍ക്കിടയിലെ ആദ്യ വിവാഹമാണിതെന്നും തോന്നുന്നു.

2008 ഫെബ്രുവരി ഒമ്പതാം തിയതി ശനിയാഴ്ച്ച രാവിലെ ഞാന്‍ നിക്കാഹിനായി വധുവിന്റെ വീട്ടിലേക്കു പോവുന്നതോടെ കല്ല്യാണം തുടങ്ങുകയായി,പിന്നീട്‌ ഉച്ചയോടെ വധുവിന്റെ വീട്ടില്‍ വെച്ച്‌ നടക്കുന്ന നിക്കാഹും വൈകുന്നേരം എന്റെ വീട്ടില്‍ വെച്ചു നടക്കുന്ന റിസപ്ഷനോടെയും കൂടി ഞങ്ങളുടെ കല്ലാണം സമാപിക്കുന്നു.

കല്ല്യാണത്തിനു ഞാന്‍ എന്റെ നല്ലവരായ എല്ലാ ബ്ലോഗെഴുത്തുകാരെയും ക്ഷണിക്കുകയാണ്‌.

തൃശൂര്‍ ജില്ലയിലെ പ്രശസ്തമായ ഗുരുവായൂര്‍ അമ്പലത്തിനറ്റുത്തുള്ള മിനി ഗള്‍ഫ്‌ എന്ന ചാവക്കാട്‌ നടുത്തുള്ള മണത്തല പള്ളിക്കടുത്താണ്‌ എന്റെ വീട്‌.

എന്റെ കല്ല്യാണ റിസപ്ഷെന്‍ മണത്തലയില്‍ നിന്ന് പൊന്നാനിക്കു പോവുമ്പോള്‍ വരുന്ന ഇടക്കഴിയൂരിലുള്ള സിംഗപ്പൂര്‍ പാലസില്‍ വെച്ചാണ്‌ നടക്കുന്നത്‌.വൈകുന്നേരം 4നും 7നും മദ്ധ്യേ.

പല ഘട്ടങ്ങളില്‍ എന്റെ രചനകളെ കുറിച്ചും നിങ്ങളുടെ രചനകളെ കുറിച്ചും നമ്മള്‍ തമ്മില്‍ എഴുത്തിലൂടെ വാക്‌ തര്‍ക്കങ്ങളുണ്ടായിട്ടുണ്ട്‌.

പലരും എന്റെ ബ്ലോഗിനിവായിക്കില്ല എന്നു വരെ പറഞ്ഞിട്ടുമുണ്ട്‌.അതെല്ലാം സ്നേഹസംവാദങ്ങള്‍ മാത്രമായ്‌ കണക്കിലെടുക്കണമെന്നും ഞാന്‍ ഈ വേളയില്‍ അഭ്യര്‍ത്ഥിക്കുന്നു.

ഒരിക്കല്‍ കൂടി എന്റെ നല്ലവരായ എല്ലാ ബ്ലോഗെഴുത്തുകാരെയും എന്റെ കല്ല്യാണത്തിനു ക്ഷണിക്കുകയാണ്‌.