ഇറച്ചിയുടെ വില

ഇറച്ചി കടയുടെ മുന്നിലൊരു-
പുലര്‍കാലെ,കണിയായ്
ഒരു സ്ത്രീ വന്നു ചോദിച്ചു
ഒരു കിലോ ഇറച്ചിയുടെ വില.

കടക്കാരന് മറുപടിയായ്,
അന്‍പതെന്നു ചൊല്ലി.
വാങ്ങിയ വില ചോദിച്ചവളോടു-
കടക്കാരന്‍ മറുപടിയായി
നാല്പതെന്നു ചൊല്ലി.

എന്നാലെന്നെ കൊന്നു ഇറച്ചിയായി
തൂക്കിയെടുത്തു വില തന്നേക്കാനവര്‍
കടക്കാരനോടു ചൊല്ലി.

പത്തു രൂപ കിലോക്ക്
കുറച്ചു നല്കിയാല്‍
മതിയെന്നും ചൊല്ലിയവള്‍.

പിന്നെ ചൊല്ലിയവള്‍
വയ്യേനിക്കെന്‍ ശരീരം വില്‍ക്കാന്‍!
എന്നെ കാത്തു വീട്ടില്‍,
നാലു വയറുകളുണ്ടെന്നും ചൊല്ലിയവള്‍!